Бұлтты технологиялар компаниялардың әдеттегі IT-үдерістерін қарқынды түрде өзгертуде. Оларды пайдаланудың артықшылықтары бар екені сөзсіз: бюджетті үнемдеу, бизнесті автоматтандыру, деректер сақтаудың қауіпсіздігі, масштабталуы. Сондықтан, көптеген компаниялар өз инфрақұрылымынан «бұлттардың» пайдасына бас тартуда.

Бұлтты технологиялар тұжырымдамасы жетекші әлемдік вендорлардың технологиялары базасында икемді және бұзылуға төзімді IT-инфрақрылымды салумен түсіндіріледі. Бұлтты қызметтерді сатып ала отырып, Интернет желісіне қосылған Қазақстанның кез-келген нүктесіндегі компаниялар есептеу ресурстарына, өзінің IT-міндеттерін шешуге жәрдемдесетін сервистер мен бағдарламаларға қол жеткізеді.

Бұлтты шешімдердің арқасында санаулы минуттарда жаңа IT-жобаларды әзірлеу мен сынауға арналған  виртуалды алаңды ұйымдастыруға, корпоративтік сайттар, интернет-дүкендер, блогтар, корпоративтік пошта, CRM-жүйелері, бухгалтерия және т.б. үшін хостинг өрістетуге мүмкіндік ашылады.

ASTEL компаниясы өз клиенттеріне есептеу қуаты жоғары және жадысының көлемі үлкен виртуалдық серверлерді ұсына отырып, IaaS (Infrastructure as a Service) үлгісі бойынша бұлтты қызметтер көрсетеді. ASTEL компаниясының виртуалды дата орталығын (vDC) пайдалану – клиенттерге виртуалды машиналардың қажет етілген санымен жеке оқшауландырылған IT-инфрақұрылым құруға мүмкіндік береді. Бұлтты қызметтер бүкіл әлемге танымал болған виртуалдауға және бұлтты есептеулерді ұйымдастыруға арналған бағдарламалық жасақтама – VMware платформасының пайдаланылуымен жеке ДӨО (деректер өңдеу орталығы) базасында көрсетіледі.

Бұл ретте, клиенттер шығындарын біршама қысқартып, тәуекелдерін азайтады – бүкіл ДӨО жабдығын қолдауды ASTEL компаниясының жоғары білікті мамандары жүзеге асырады.

Виртуалды серверлерді ұсынумен қатар, ASTEL компаниясы BaaS (Backup as a Service) деректерді резервтік көшіру және DRaaS (Disaster Recovery as a Service) IT-инфрақұрылымды апаттан кейін қалпына келтіру қызметтерін көрсетуге дайын.

Қызметтің техникалық ерекшеліктері мен артықшылықтары туралы толық ақпарат алу үшін бізге қазір хабарласыңыз!